.......आजची शिक्षणव्यवस्था आणि आमचे सरकार .......

-
      
             "सरकार" ,  सरकार फक्त नावापुरतेच काम करते , भविष्याचा विचार करण्याची क्षमता कोणत्याही सरकारमध्ये नाही , किंबहुना भविष्य माहीत असूनही आज लोकांपुढे दिखावा करण्यासाठी आणि स्वतःची घरे भरण्यासाठी प्रत्येक सरकार काम करते ,  जे रस्ते पाच ते सात वर्षे टिकायला हवेत त्यांना एका महिन्यातच भेगा जातात ते धसतात, कसं काय ? आम्ही तुम्हाला हे देऊ ते देऊ नुसती आश्वासन द्यायला सांगा या सरकारी लोकांना, पण सत्यात  मात्र कोणतेही कामं उतरत नाही. अरे शिष्यवृत्तीचे फॉर्म ऑनलाईन भरायचे हे सरकारने जाहीर केले पण त्यांना हे कोण सांगणार भारतातील किती लोकांना आजही इंटरनेट नीटपणे वापरता येत नाही. नुसता मोबाईल वरून फोन लावता आला आणि युट्युब ,इंस्टा , फेसबुक वर पिक्चर आणि फोटो पाहता आले म्हणजे कोणी इंटरनेटच्या दुनियेतला बादशाहा होत नाही. आज भारतात अमर्याद इंटरनेट वापरण्याची सेवा दिली आहे पण ते कसे वापरायचे याची अक्कल मात्र द्यायला आमचं सरकार विसरून गेलं. आणि ही अक्कल नसल्यामुळे आणि इंटरनेट बद्दलच्या असणाऱ्या अज्ञानामुळे कितीएक गरीब मुले सायबर कॅफे वाल्यांची दारे पालथी घालतात आणि सायबर कॅफे वाले ह्या गरीब लोकांच्या अज्ञानाचा फायदा घेऊन पाहिजे तेवढी फी वसूल करतात अरे कोण सांगणार या सरकारला, "की छोट्या-मोठ्या गोष्टींसाठी साठी लागणारा खर्च हा मोठ्या कामांसाठी लागणाऱ्या खर्चापेक्षा अधिक असतो" हे सांगणारी दुसरी कोणी व्यक्ती नसुन ज्यांचा आपण सरकारी कार्यालयांमध्ये फोटो लावतो ना तेच महात्मा गांधी आहेत.
              या सरकारला जर छोट्या-मोठ्या खर्चाची जर जाणीव नसेल ना, तर कसे काय बनवणार आहे हे सरकार आपल्या देशाला जगात एक नंबरची अर्थव्यवस्था, सांगा कशी काय ? अरे हे सरकार चालवणाऱ्या कित्येक लोकांना आजही मोबाईल नीट वापरता येत नाही आणि हे बदलणार आहे आपल्या देशाला. अरे इथे विद्यार्थ्यांची तळवे झिजले सायबर कॅफे ते कॉलेज , कॉलेज ते सायबर कॅफे राऊंड मारून पण या सरकारी लोकांना याची कवडी मात्र जाणीवही नाहीये. विद्यार्थ्यांनी अभ्यास करायचा की नुसत्या फेऱ्यावर फेऱ्या  मारायच्या सांगा आता तुम्हीच?
    
         ......... एक शिक्षण व्यवस्थेला तरसलेला विद्यार्थी.......

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

अध्यात्मिकता आणि भौतिकता यांच्यातला महत्त्वाचा फरक .....

-
इमेज
                ह्या जगातील आपल्या सर्वांना येणारी दुःख ही भौतिक बंधनांमुळे येतात , कारण भौतिक सुखांची , भौतिक आनंदाची आपल्याला प्राप्ती होण्यासाठी कोणत्या ना कोणत्या भौतिक गोष्टीच्या आधाराची गरज असते . तो आनंद कोणत्याही स्वरूपाचा असूद्यात . जेव्हा एखाद्या कुटुंबातील एखाद्या व्यक्तीचा मृत्यू होतो अथवा एखादी व्यक्ती आपल्याला सोडून निघून जाते , तेव्हा त्या व्यक्तीला सर्वाधिक दुःख होते जो व्यक्ती मृत्यू झालेल्या अथवा सोडून गेलेल्या व्यक्तीशी कोणत्या ना कोणत्या प्रत्यक्ष व अप्रत्यक्ष भौतिक बंधनाद्वारे जोडला गेलेला असतो कारण त्या व्यक्तीचा भौतिक सुखांचा आधार हा पूर्णपणे हरवलेला असतो , म्हणजेच थोडक्यात भौतिक बंधने तुम्हाला ह्या जगतामध्ये अडकवून ठेवण्याची काम करतात . याउलट अध्यात्मिक अंगामध्ये असते ,  ज्या ठिकाणी स्वतःला ह्या जगातून एका योग्य अध्यात्मिक साधनेद्वारे मुक्त करण्याचा सुंदर मार्ग दिलेला असतो . " अध्यात्मिक जगतातील स्वतःच्या मुक्तीचा मार्ग अर्थात अध्यात्मिक स्वार्थ  म्हणजे स्वतःचे सोडून अवघ्या विश्वातील लोकांचे कल्याण करण्यामध्ये लप...
अधिक वाचा

आरक्षणाने अपूर्ण की , विनाआरक्षणानी परिपूर्ण हे आता जनतेच्या हातात

-
इमेज
             आरक्षण , हा विषय सध्या प्रत्येकाच्या चहाचा विषय झालेला आहे , एखाद्याने चहाच्या सवडीला आरक्षणाचा विषय नाही घेणे म्हणजे नवलच म्हणावं लागेल . ज्यांना आरक्षण आहे ते अजून आरक्षण वाढवायचे कसे याचा विचार करतायेत तर ज्यांना आरक्षण नाही ते आरक्षण मिळवायचे कसे याचा विचार करतायेत . आज ह्या देशातील जवळजवळ सर्वच लोकांना फक्त स्वतःच्या दिखाऊ अन् तात्पुरत्या प्रगतीचे घेणे पडलेले आहे . आज देशातील कुणालाही स्वतःच्या हिमतीवर आणि बळावर ह्या देशाचा विकास करण्याचा प्रगती करण्याचा साधा विचार देखील मनात नाहीये . देशातील राजकारण्यांना सत्ता हवी तर देशातील जनतेला फक्त स्वतःचा भपकेबाज आणि न टिकणारा अपूर्ण विकास हवा आहे . जर खरचं ह्या देशातील जनतेला संविधानाच्या मूल्यांवर आधारित असणारा सामाजिक , राजकीय न्यायाच्या परिघात आणि समानतेच्या व संधीच्या शिखरावर असणारा खरा समाजवादी आणि राष्ट्रवादी देश हवा असेल ना! तर देशात असणाऱ्या ह्या आरक्षणाच्या बाबीला आज पूर्णपणे नष्ट करायला हवे . देशाचा खरा विकास करायचा असेल ना! तर या देशातील जनतेला प्रत्यक्ष स्पर्धेच्या तयारी मधील अपूर...
अधिक वाचा

भौतिकवादी नव्हे तर आध्यात्मिकवादी विकास आधी आम्हाला हवा आहे .....

-
इमेज
          आज देशामध्ये मोठ्या प्रमाणावर शेतकरी आंदोलन चालू आहेत . ही आंदोलन शेतकी क्षेत्रांमध्ये होणाऱ्या खाजगीकरणाच्या विरोधात आहेत . आज देशातील अनेक क्षेत्रांमध्ये सरकार खाजगीकरण आणत चालले आहे . सरकारचे म्हणणे आहे की , खाजगीकरणामुळे देशाच्या विविध क्षेत्रांमध्ये होणारे गुंतवणुकीचे प्रमाण वाढेल आणि त्याद्वारे त्या क्षेत्रात मोठ्या प्रमाणात नवंतंत्राचा वापर होईल आणि त्याचबरोबर त्या क्षेत्राचा विकास देखील होईल . हो नक्कीचं भांडवलशाहीमुळे देशात असणाऱ्या विविध क्षेत्रातील लावले जाणारे पैशाचे प्रमाण हे नक्कीचं वाढेल आणि त्यातून त्या क्षेत्राचा काहीकाळ भपकेबाज विकास देखील होईल पण ह्या झालेल्या विकास कामांना वाली  तर काही ठराविक लोकचं असतील ना! असे लोक ज्यांना फक्त स्वफायदा महत्त्वाचा आहे आणि अशा लोकांमुळे , देशात नक्कीचं काही काळ विकास दिसेल पण पुढे हळूहळू ह्या खाजगीकरणाचे वाईट परिणाम देशाला एका युद्धाच्या मैदानात आणून सोडतील , असे युद्ध जे देशात तयार झालेल्या उच्च आणि कनिष्ठ या दोन वर्गांमध्ये लढले गेलेले असेल ज्यामुळे देशाचे फक्त आर्थिक नव्हे तर सांस्कृतिक , श...
अधिक वाचा