आज मितीला भारत हे जगामध्ये एक विकसनशील राष्ट्र आहे आणि आज जी जगात परिस्थिती चाललेली आहे त्यावरून एक गोष्ट मात्र निश्चित आहे की , येणार काळ हा भारतासाठी सुवर्णकाळ असणार आहे . भारताची संस्कृती , भारताची सभ्यता , भारताची परंपरा ह्या येणाऱ्या काळात , पुन्हा जगात सर्वोच्च पातळीवर येणारं आहेत . आता हळू हळू ह्या देशात असणारे विद्वान , हे मोठ्या प्रमाणात जगापुढे येतील आणि आपल्या बुद्धिमत्तेच्या जोरावर ह्या देशाला पुन्हा सर्वोच्च स्थानावर घेऊन येतील . तरी देखील इथे जो प्रश्न उद्भवतो तो आहे की , हे येणारे सामर्थ्य , अमर्याद काळ टिकवावे कसे? ते कोणत्याही क्षेत्रातले असो , सामाजिक असो , आर्थिक असो , सांस्कृतिक असो वा शैक्षणिक पण आलेली प्रबलता टिकवणे हेचं गरजेचे आहे . यश मिळवणे सोप्पे असते , पण पुढे ते टिकवणे तितकेचं अवघड . म्हणून
" ध्येय हे यशाचे नव्हे , तर मिळालेले यश टिकवण्याचे असायला हवे तेव्हाचं खरी प्रगती होईल . "
आपल्याकडे एक म्हण प्रचलित आहे ती म्हणजे
" वेळ ही प्रत्येकाची येते " आणि ती म्हणं योग्यचं आहे . कारण आज तुम्ही जगभरात बघाल तर तुमच्या लक्षात येईल की , जगातील प्रत्येक देशाची , समाजाची , धर्माची अशी वेळ आलेली आहे , ज्या वेळी ते जगात सर्वोच्च स्थानावर होते . थोडक्यात असं की ,
जगातील सर्व देश हे एका गोल असणाऱ्या शर्यतीच्या पट्टीवर पळत आहेत आणि ह्या पट्टीवर आपल्यासोबत काळ देखील धावत आहे . हा काळ सर्वात वेगवान असतो आणि शक्तीशाली देखील , तो ज्याच्या सोबत असतो , तो देश बाकीच्या सर्वांपेक्षा सरस असतो आणि हा काळ प्रत्येकाच्या जवळ आणि सोबत येतचं असतो . जेव्हा काळ हा एखाद्याच्या जवळ येतो म्हणजेचं एखाद्या देशाच्या , तेव्हा त्या देशात प्रगतीचा सूर्य उगवायला सुरुवात होते आणि जेव्हा काळ हा त्या देशाच्या बरोबर असतो , तेव्हा त्या देशात प्रगतीची , विकासाची दुपार झालेली असते आणि जेव्हा तो अस्ताला जातो तेव्हा त्या देशाची प्रगती ही हळू हळू कमी व्हायला लागते आणि नंतर ती पूर्ण नष्ट होते
आणि आता हा प्रगतीचा , विकासाचा सूर्य काही काळाने भारतात उगणार आहे आणि ह्या उगवत्या सुर्याबरोबर भारताकडे प्रचंड सामर्थ्य येणारं आहे . सध्या हा प्रगतीचा सूर्य पाश्चिमात्य देशांत मावळायला लागलेला आहे आणि जपान , चीन सारख्या पूर्वोत्तर देशांत तो उगवायला सुरुवात झाली आहे . आपण सध्या उषःकाळात आहोत , म्हणून आपण आत्ताचं आपल्याकडे येणाऱ्या प्रचंड सामर्थ्याला , सांभाळण्यासाठी तयार व्हायला हवं आणि त्या सामर्थ्याचा वापर करून ह्या भारत देशाच्या आणि त्याचबरोबरचं ह्या जगाचा विकासाचे आणि कल्याणाचे नियोजन करायला हवं .
त्याचबरोबर आपण एक गोष्ट ही देखील ध्यानात ठेवायला हवी , ती म्हणजे , जेव्हा हा काळ आपल्या सोबत येईल तेव्हा , आपला वेग हा ,
आलेल्या काळाच्या बरोबरीने आपण धावू शकू आणि त्या काळाला जास्तीत जास्त वेळ आपल्या सोबत ठेऊ शकू इतका असायला हवा . ज्यामुळे येणारा आपला प्रगतीचा दिवस हा खूप मोठा असेलं . तसेच आपल्याला ह्या प्रगतीच्या दिवसात इतकी प्रचंड प्रगती आणि सामाजिक , सांस्कृतिक , आध्यात्मिक आणि आर्थिक विकास साधायचा आहे की , सूर्य अस्ताला गेल्यानंतर देखील , आपण दिवसभरातील केलेल्या प्रगतीच्या जोरावर आपल्यावर येणारी रात्र देखील देदीप्यमान करू शकू .
त्याचं बरोबर इतर राष्ट्रांकडे स्पर्धेच्या , द्वेषाच्या भावनेने न बघता " हे विश्व ची माझे घरं " ह्या भावनेचा पुरस्कार करून ह्या जगाला सोबत घेऊन एका सुखी संसाराची निर्मिती करूया .....
..... वंदे मातरम ..... जय हिंद ..... जय भारत .....
टिप्पण्या
टिप्पणी पोस्ट करा